Ахсынньы 16-17 күннэригэр Намыы нэһилиэгэр Россияҕа Педагог уонна уһуйааччы, Саха сиригэр Үлэ сылларыгар, Өрөспүүбүлүкэҕэ физкультурнай хамсааһын 100 сылыгар анаммыт түөлбэлэр икки ардыларынааҕы спартакиада буолан ааста.
Спортивнай бырааһынньыкка түөрт түөлбэ бэрэстэбиитэллэрэ – «Эрчим», «Чолбон», «Омолой», «Дьүкээбил» — хас да спорт көрүҥэр күөн көрүстүлэр, илин-кэлин түһүстүлэр.
Буоларын курдук, үөрүүлээх арыллыы хамаандалар параадтарынан саҕаланна.
Спартакиада кылаабынай судьуйатынан буолла Петр Николаевич Бурцев – чөл олох көхтөөх пропагандиһа, судьуйалар – Кыняхыров Андрей Васильевич, Андреева Дора Христофоровна уонна Старостин Софрон Николаевич.
Тэрийээчилэр, Омолой култуура киинин үлэһиттэрэ, чопчулаабыттарынан, спортивнай тэрээһин нэһилиэк олохтоохторун түмэр, чөл олоххо уһуйар, эт-хаан өттүнэн сайыннарар, спордунан дьарыктанар дьон ахсаанынын элбэтэр сыаллаах-соруктаах сылын аайы ыытыллар.
Санатар эбит буоллахха, 2030 сылга физкультуранан уонна спордунан тиһигин быспакка дьарыктанар нэһилиэнньэ ахсаана дойдубут үрдүнэн 70 быраһыаҥҥа тиийиэхтээх. Бу туһунан Россия президена Владимир Владимирович Путин алтынньыга Пермь куоракка буолбут “Россия – спортивнай держава» форумҥа эппитэ.
Бу сыалы-соругу ситиһэргэ маннык спартакиадалар нэһилиэктэргэ үгэс буолбуттара, дьон-сэргэ сөбүлээн кыттара, төһүү күүс буолара саарбаҕа суох.
Спартакиадаҕа киирдилэр хаамыска, хабылык, саахымат, шашка, остуол тенниһэ, миэстэттэн уһуну ыстаныы, бэһиэлэй старт, сыал ытыы түһүмэхтэрэ.
Хаамыскаҕа тэҥнээхтэрин булбата Владимирова Зоя Афанасьевна («Эрчим” түөлбэ), иккис миэстэни ситистэ Старостин Максим Владимирович (“Омолой”), үһүс бочуоттаах миэстэ тигистэ “Чолбон” түөлбэ бэрэстэбиитэлигэр, аҕам саастаах Соловьёв Пик Афанасьевичка, биһирэбили ылла “Дьукээбил” бэрэстэбиитэлэ Стручкова Сардаана Васильевна.
Хабылык : 1 миэстэ – Никонова Марианна Матвеевна (“Дьүкээбил”), иккис – Стручкова Юлия Прокопьевна (“Чолбон”), үһүс — Тобонова Сандаара Игоревна (“Эрчим”), биһирэбил – Стручкова Виктория Юрьевна (“Омолой”).
Саахымат түһүмэҕэр бастыҥынан ааттанна Соловьёв Пик Афанасьевич (“Чолбон”), иккис миэстэ буолары ситистэ Сектяев Александр Владимирович (“Омолой”), үсүһү ылла Дьяконов Павел Николаевич (“Эрчим”), биһирэбил – Стручков Саян Алексеевич (“Дьүкээбил”).
Шашкаҕа 1 миэстэ – Соловьев Пик Афанасьевич (“Чолбон”), 2 миэстэ – Скырбыкин Афанасий Степанович (“Омолой”), 3 миэстэ – Тобонова Сандаара Игоревна (“Эрчим”), биһирэбил – Бурцев Павел Романович (“Дьүкээбил”).
Отуол тенниһэ. Дьахталларга: 1 миэстэ – Владимирова Зоя Афанасьевна (“Эрчим”), 2 миэстэ – Слепцова Эмилия Константиновна (“Дьүкээбил”), биһирэбил – Стручкова Юлия Прокопьева (“Чолбон”), биһирэбил – Стручкова Виктория Юрьевна (“Омолой”); эр дьоҥҥо 1 миэстэни ситистэ Мегежекский Евгений (“Эрчим”), иккис буолла Сектяев Александр, үсүһүнэн ааттанна Каратаев Николай, биһирэбили ылла Стручков Саян (“Дьүкээбил”).
Миэстэттэн ырааҕы ыстаныы. Дьахталлар: 1 миэстэ – “Эрчим”, иккис – “Омолой”, үһүс – “Дьукээбил”, биьирэбил – “Чолбон”; эр дьон: 1 миэстэ – “Эрчим”, иккис – “Чолбон”, 3 миэстэ – “Омолой”, биһирэбил – “Дьүкээбил”.
«Бэһиэлэй стартка» бастыҥынан ааттанна “Эрчим” түөлбэ, иккис – “Омолой”, 3 миэстэ буолары ситистэ “Чолбон”, биһирэбили ылла “Дьукээбил”.
Ытыы түмүгэ маннык: 1 миэстэ – Стручков Саян (“Дьүкээбил”), Бубнова Мария уонна Колесова Варвара; 2 миэстэ – Стручков Софрон (“Чолбон”), Аммосова Марина (“Эрчим”); 3 миэстэ – Аммосов Иван (“Эрчим”), Горохова Дарья (“Чолбон”); биһирэбил – Колесов Слава (“Омолой”).
Уопсай түмүгүнэн кыайыылаах үрдүк аатын сүктүлэр “Эрчим” түөлбэ бэрэстэбиитэллэрэ, иккис миэстэни ситистэ «Чолбон”, үһүскэ тигистэ “Омолой”, биһирэбили ылла “Дьукээбил” түөлбэ.
Кыайыылаах “Эрчим” түөлбэ көһө сылдьар Кубок хаһаайынынан буолла уонна харчынан наҕараадаланна. Бары кыттааччыларга махтал сурук туттарылынна.
Александра Стручкова