Булун оройуонун Бороҕон нэһилиэгэр Улуу Кыайыы күнэ бэрт тэрээһиннээхтик ааста. 1929-1930 сыллардаахха Сэбиэт былааһын туһугар өлбүт буойуннарга пааматынньыкка миитиҥ буолта, сибэкки дьөрбөтүн уурдулар. Бу пааматынньык 1976 сыллаахтан Россия судаарыстыбатын көмүскэлигэр киирэр.
Бу күн «Өлбөт үйэлээх полк» хаамта. Онно оҕолор, бэтэрээннэр, эдэр ыччат кытынна. «Слава нашим землякам» сквергэ сибэкки дьөрбөтүн уурдулар, биир мүнүүтэ саҥата суох туруу, аахсыйа «өйдөбүнньүк чүмэчи» ууруруллунна. Сибэкки дьөрбөтүн оскуола кэллиэктиибэ бэлэмнээбитэ, салайааччы Старостина Александра Карловна. Эҕэрдэ тылы нэһилиэк баһылыга Стручкова Вера Михайловна, сэрии оҕотун бэтэрээнэ Стручкова Екатерина Архиповна, нэһилиэк дьопутаата Старостина А.К., Бороҕон орто оскуолатын үөрэнээччитэ Николай Горохов эттилэр.
Литературный монтаж «Ким да умнуллубат, туох да умнуллубат!» Горохова Светлана Николаевна библиотекарь ыытта, ол кэннэ «Кыайыы ырыалара» ылланна, уолаттар ансаамбыллара толорудулар, салайааччы Дьяконов Павел Николаевич.
«Полевой кухня» тэрилиннэ. Манна улахан хамаанда биир киһи курдук үлэлээтилэр, улахан махталбытын тиэрдэбит: Лыткина С.К., Рожина Ф.Х. минньигэс солдатскай хааьы буьардылар. Костровик Стручков И.Н., Горохова С.Н. ас тарҕатан, итии чээйинэн дьону күндүүлээтилэр.
Өрөспүүбүлүкэбит үрдүнэн ыытыллыбыт «Кыайыы вальс» аахсыйатыгар кыттыһан кэлбит дьон бары үнкүүлээтибит, оһуохайдаатыбыт. «Кыайыы Оһуохайын» Стручкова Мария Игоревна таһаарда.
Ол кэннэ түөлбэнэн патриотическай эстафета үс этаптаах ыытылынна. Араас интириэһинэй этаптарга күрэхтэстилэр. Түөлбэ дьоно олус көхтөөхтүк кытыннылар, салайааччылар бэркэ үлэлээбиттэр. Эстафетаны Нюргуяна Николаевна Старостина, Старостин Иосиф Владимирович күгүлээн ыыттылар. Күрэхтэһии түмүгүнэн түөлбэлэр араас анал ааттарга тиксэн наҕараадаланнылар:
«За волю к Победе» — «Омолой» түөлбэ (Горохова С.Н.)
«Самая энергичная команда» — «Эрчим» түөлбэ (Аммосова М.Н.)
«Дисциплинированная команда» — «Дьукээбил» түөлбэ (Слепцова Э.К)
«Самая активная» — «Чолбон» түөлбэ (Колесова Э.Ю.)
Тэрээһиммит флешмоб «Катюша» үҥкүүнэн түмүктэннэ.
ЭКК «Омолой» киинигэр бырааһынньыктааҕы кэнсиэр «Улуу Кыайыы биһиги сүрэхпитигэр» бэртээхэйдик буолан ааста. Кэнсиэри киэргэттилэр оскуола үөрэнээччилэрэ, уһуйаан «Кэнчээри», орто школа кэллиэктииптэрэ. Өрөгөйдөөх дьүбүлүөйгэ атын тэрилтэлэр кыттыбатахтара хомолтолоох. Дьүбүлүөйнэй ыһыахха кыттыахтара диэн эрэнэбит. Улуу Кыайыы торжественнай чааһын уонна бырааһынньыктааҕы кэнсиэри опыттаах ыытааччы Болтунова Оксана Васильевна иилээн — саҕалаан ыытта, звуковой аппаратурага Каратаев Николай В. үчүгэйдик үлэлээтэ. Улахан махталбытын биллэрэбит. Барыгытыгар баҕарабыт кэрэни, сырдыгы, эйэни!
И.А. Бурцева ЭКК «Омолой» дириэктэрэ