Сииктээххэ Саха Өрөспүүбүлүкэтин Бырабыыталыстыбата ааспыт сыллааҕы отчуота буолан ааста.
Олохтоохтор араас кыһалҕалаах, инникини түстүүр боппуруостары туруорустулар, бэйэлэрин санааларын үллэһиннилэр, этиилэри киллэрдилэр. Ол курдук, оскуола-саад дьиэтин, фельдшерскай-акушерскай пуун тутуу тыҥааһыннаах боппуруостара киирдилэр. Сүрүн тыын боппуруоһунан буолла саҥа хочуолунай тутуута. Ону тэҥэ балыксыттар балыктыырга анаан сир учаастагын туруорустулар.
Киирбит боппуруостары бырабыыталыстыба бөлөҕө сэргээн тустаах министиэристибэлэргэ этии киллэриэхпит диэн эрэннэрдилэр.
Мунньах үөрүүлээх чааһыгар нэһилиэк баһылыга Рая Кривошапкина Сииктээх оскуолатын алын кылааһын учууталыгар Маргарита Ачикасоваҕа СӨ үөрэҕириитин министиэристибэтин аатыттан Махтал сурук туттарда.
Бэйэ кэр.