«Омолой» этнокултуурнай киин дьиэтигэр Бороҕон нэһилиэгин ытыктабыллаах дьонун туһунан саҥа кинигэлэрэ сүрэхтэннэ, ол туһунан этнокултуурнай киин дириэктэрэ Ирина Бурцева иһитиннэрдэ.
«Сэтинньи ый биһиэхэ элбэх тэрээһиннээх ый буолла. Ол курдук биһиги Сомоҕолоһуу күнүттэн саҕалаан, үрдүкү кылаастарга профориентация күнүн ыыттыбыт. Бүгүн биһиги кииммиитигэр икки кинигэ сүрэхтэннэ», — диэн кэпсээтэ Ирина Алексеевна.
Маннайгы кинигэ Уус-Алдан Бороҕонун бочуоттаах олохтоохторо, кэргэннии Александра Ивановна уонна Александр Семенович Бурцевтар дьиэ кэргэттэрин тустарынан ахтыы. Ахтыыны Бурцевтар кыргыттара суруйбуттар. Александра Ивановна уонна Александр Семенович учуутал идэтин баһылаан Булуҥ оройуонугар ыҥырыллан учууталлыы кэлэн элбэх көлүөнэни үөрэппит, ииппит-такайбыт учууталлар. Кинилэр Найба, Бороҕон орто оскуолаларыгар үлэлээн, элбэх көлүөнэ ыччаты үөрэххэ, билиигэ угуйан оройуоҥҥа биллэр учууталлар.
Иккис кинигэҕэ Бороҕонтон төрүттээх бырааттыы Сыроватскайдар уонна кинилэр бииргэ төрөөбүттэрин, аймахтарын олохторун-дьаһахтарын тустарынан кэпсэнэр.
«Бырааттыы Сыроватскайдар Булуҥ Бороҕонугар эрэ буолбакка, өрөспүүбүлүкэ үрдүнэн биллэр-көстөр дьон этилэр. Дмитрий Иннокентьевич Сыроватскай, экономическай наука доктора, Саха Өрөспүүбүкүкэтин тыатын хаһаайыстыбатын үтүөлээх үлэһитэ, научнай практическай үлэ профессора, Саха Өрөспүүбүкүкэтин В.М.Кладкин аатынан мэтээллэр хаһаайына. Онтон быраата, Никанор Иннокентьевич, Саха Өрөспүүбүкүкэтин үтүөлээх ветеринарнай бырааһа, РСФРС соцкуоталаһыы икки төгүл кыайыылааҕа, «Үлэҕэ килбиэнин иһин» мэтээл хаһаайына.
Алексей Иннокентьевич Сыроватскай, Саха Өрөспүүбүкүкэтин норуотун хаһаайыстыбатын үтүөлээх үлэһитэ, Арассыыйа 2006 сыллааҕы топ-менеджера.
Бу суруллубут үтүөкэн, үлэһит дьон олохторо, үлэлэрэ хаһан да, ханна да оһон-сүтэн хаалыа суоҕа. Кинигэ кинилэр ааттарыгар сүгүрүйүү уонна ытыктабыл бэлиэтэ буолар. Кэлэр көлүөнэ дойдутун историятын билиэхтээх» — диэн кэпсээнин түмүктүүр Ирина Бурцева.
Кинигэ сүрэхтэниитигэр оскуола оҕолоро, нэһилиэк ытык кырдьаҕастара, ону тэҥэ нэһилиэк аҕа баһылыга Вера Стручкова кыттыыны ыллылар. Аҕам саастаах дьон бу тэрээһиҥҥэ кэлэн бииргэ улааппыт, үөрэммит, үлэлээбит дьонун ахтан, санаан бардылар.
Бэйэ кэр