Олоҥхо Декадатын чэрчитинэн кииннэммит бибилэтиэкэ ааҕар саалатыгар «Олоҥхо дойдутугар” тэрээһин буолан ааста.
Бибилэтиэкэ үлэһиттэрэ Людмила Корякина уонна Вуталина Стручкова ыалдьыттарга – Тиксиитээҕи 1 №-дээх оскуола 9 кылааһын үөрэнээччилэригэр – олоҥхо аан дойду духуобунай култууратын шедевра буоларын санаттылар.
Саха омугун духуобунай култуурата, тылын баайа, итэҕэлэ барыта олоҥхоҕо тиһиллэн сылдьарын чопчулаатылар.
Бэлиэтээн эттэххэ, тэрээһини бибилэтиэкэрдэр икки тылынан иилээн-саҕалаан ыыттылар.
«Дьулуруйар Ньургун Боотур» олоҥхоттон быһа тардыылары аахтылар, оҕолору кытта дуоһуйа сэһэргэстилэр.
Үөрэнээччилэр бэсиэдэни олус сэргээтилэр. Түмүккэ бэйэлэрэ олоҥхону дорҕоонноохтук ааҕыыга холоннулар.
Ону таһынан «Олоҥхо дойдутугар» кинигэ быыстапката оҕолор болҕомтолорун тарта.
Александра Стручкова