Бэҕэһээ, олунньу 29 күнүгэр, Арассыыйа бэрэсидиэнэ Владимир Путин Федеральнай Мунньахха уочараттаах туһаайыытын тиэрпитэ. Бэрэсидиэн кэлэр алта сылга Дойду сайдарыгар туох соруктар туралларын билиһиннэрбитэ. Бу туһаайыыны Арассыыйа дьоно бары кэтэһэн көрбүт, болҕойон истибит буолуохтаахтар. Таймылыыр олохтоохторо, эдэр ыал Роман уонна Дария Андросовтар, туһаайыыга элбэх саҥаны истибиттэрин, сэҥээрбиттэрин туһунан тус санааларын үллэстэллэр:
– Дойдубут бэрэсидиэнэ Владимир Путин Федеральнай Мунньахха быйылгы туһаайыытыттан элбэх үтүөнү иһиттибит. Бастатан туран, бэйэм учуутал, ону тэҥэ эдэр ийэ, аҕа буоларбыт быһыытынан, үөрэҕирии салаатыгар кэлэр алта сылга турбут былааннары истэн үөрдүбүт, патриотическай иитиигэ, чөл олоххо, спортка ураты болҕомто уурулларыгар сэҥээрдибит, улахан болҕомто дьиэ кэргэҥҥэ, элбэх оҕолоохтору өйүүргэ саҥа дьаһаллары ылыналларын үөрэ иһиттибит. Кэлэр алта сылга дойдубут өссө сайдыа, тупсуо диэн эрэнэбит. Биһиги, Уһук Хоту сир олохтоохторо, интернет-ситимэ киирэрин, муорабыт пуорда тутуллан чэпчэки сыаналаах табаар кэлэрин кэтэһэбит.
Бэйэ кэр.