Оо , чуумпу да буолаҕын ардыгар,
Сиэркилэ курдуккун, сэмэйгин,
Оо, арыт букатын даҕаны
Үрүҥнээн бааллыран ылаҕын.
Кыыһырбыт аарыма атыырдыы
Бурҕайан тураҕын олустук,
Мэндээрэн этээстээх дьиэлэрдии
Эн үөһээ ыһаҕын долгуну.
Чуумпурууй, мин муорам барахсан,
Эн уоскуй, эн тохтоо бааллыран,
Ол туохтан хомойон, хоргутан
Оргуттун олустук долгуну?
Оччоҕо доҕорбун кытары
Күүлэйдии киириэхпит кытылга,
Эбэкээм, эн уоскуй, эн тохтоо,
Оо, чуумпу да буолаҕын ардыгар…
Федот Аммосов — Хоһуун Уол, Найба, Булуҥ